- ¿Si? ¿Quien ye?
- Soi yo
Y naquel instante paro too. Paro'l reló, paró la llavaora, paro'l son que diz qu'el fornu ya ta al so puntu, fasta paró nun momentu'l mio coral. Pol mio maxín pasaron tolos instantes onde tuvimos xuntos, dende que nos topamos por casualidá naquel bar, dende la primer güeyada y cómo xugabes enguedeyando'l to pelu, dende'l primer "hola", el primer besu melgueru y la primer vegada que ficimos l'amor naquel asiento trasero del mio vieyu coche demostrando qu'alcuentrase tenrura onde menos ún lo espera topar. Pasaron los años d'ilusión, cómo m'engarrabes de la mano pa pasiar poles cais, cómo m'agüeyabes con esi amestu d'almiración y d'amor, cómo a ca pasu decíesme cuánto nos queríamos. Pol mio maxín pasó la nuesa boda, los nuesos arrullos p'algamar la fin de mes cola hipoteca, les cenes acurrucaos na cama porque nun teniemos mesa nin silles pa facelo na cocina. Pol mio maxín pasaron de sutrucu les primeres griesques, los tos celos, los mios celos, cómo entamé acolumbrar dacuando sentía mensaxes ayenos, conversaciones a escondíes, cómo sentábame [ya] na mesa esperando cola cena frío, cómo una nueche ya nun tornaste ...
Nun sé cuanto tiempo pasó, pero dacuando sentí que carraspiabes incómoda, esperté del suañu y retruqué un frio ... "ah, hola, yes tú".
- ¿Qué tal tas?
- ...
|
|
Publicar un comentario