Por un añu enllenu d'aurores boreales, de cafés en terraces, de faraones y pirámedes, de reencuentros nel Facebook, de paisaxes verdes, naranxes, azules, de cenes con veles, de moleskines enllenes de remembranza, d'albunes de Flickr, de cuántu préstome esti finde, de conciertos, d'anadar pente delfines, de xubir a la cume, de París, de Tokyo, de Brasil, de rutes de paraor, d'estrelles nel cielu, de cartes dende l'otru llau del océanu, de páxaros, de vientu, de flores, de ñubes, de neones, de piedres con hestoria, de hestories cruciaes, de ides y tornes, de sorrises, de besinos, de ta más ver, de equí toi, de te quiero, de ...
Prestosu 2011
Prestosu 2011
Pa qué voi engañavos: tarrezo'l heavy metal, nun me presta'l rock y el pop ponme enfermu. Conclusión: ¿qué fago saliendo con dalguien como Sonia que ye seguidora incansable d'eses músiques? Amás, si ella ye de Fanta y yo de KAS, si ella ye de vinu y yo de sidre, si ella ye de güisky y yo de ron. ¿Nun abultavos bastante pa dixebranos enantes que seya tardi? Sí, lo ye; pero Sonia ye d'eses muyeres nomaes Xanes dela Nueche, ye dicir, muyeres que pol día son invisibles y dacuando retírase la lluz y aporta la escuridá camúdanse nuna d'eses criatures con lluz propia de les que nun te puedes separtar. Nun sé que ye d'ella cola alborada, ainda nun cruciamos esa portiella, pero pamique entós esapaez esi rellumu, torna'l gris de la media y el conxuru torna en malgüeyu. Quiciabes descúbralo esta nueche, dacuando muerra la nueche. Güei toca un grupu de heavy metal y ella tien dos entraes. "Güei vamos de conciertu", anunciome con un mensaxe nel móvil. Nun discutí: ye una demostración de brenga por so parte y una regla non escrita del bon defensor ye asemeyar más debilidá de la qu'en verdá se tien. Asina qu'equi toi, esperando y esesperáu demientres entren los caberos d'una fauna qu'agüeya mio vistimientu con refalfiu. Y ye qu'un polu de Ralph Lauren y unos chinos de Caramelo nun ye lo meyor pente tanta chupa cueru y vaqueru despernáu, pero mio estaya picotera entainó'l día guerrera. Los dos seguratas de la entrada tampoco ye que me miren meyor. Lo qu'hai que facer p'añadir un cupón a mio cartilla de sexu gusmión. Saco'l móvil y a metá de númberu apaez Sonia per detrás p'abrazame y mordigañame la oreya. Lieme nel ximnasiu, dizme, y ye verdá qu'el so pilu güel a xampú y ta moyáu, anque pue ser d'agua de vestuariu o d'agua d'amante. Nun me fio d'ella pero ella entama sentise segura con mis renuncies. Créeme atrapau. Nun teo ganes de dir al conciertu, dizme ella, melguera, ¿colamos pa tu casa?
Xubimos a un taxi. La conductora bordia un pañuelu. Digo-y mio dirección y Sonia derrítese nel asientu. Saliome un granu, xime. ¿Onde?, entrugo-y, porque la cara la tien llimpia. Y ella rii ... Ya lu verás.
Sonia
Cuando se despidieron aquel día se dio cuenta que ése iba a ser un invierno muy duro, que en los días de lluvia iba a ver el reflejo de su cara en cada gota de agua que cayera sobre su rostro, que las tardes de frío iban a ser simplemente tardes de frío y no aventuras inesperadas sobre cómo encontrarse para darse calor. Sabía que iba a echar de menos ese cosquilleo que le entraba cada vez que llegaba reyes y cómo disfrutaba dándole pistas falsas sobre su posible regalo. Sabía que el 3 de Diciembre iba a llorar, porque aquel día la besó por primera vez, hace ya unos cuantos años. Sabía que iba a echar de menos su olor, sus caricias, la manera en que lo besaba, tan peculiar pero a la vez tan sensual. Sabía que probablemente en el mundo no habría nadie tan especial como ella, con esa mirada, esa manera de hacerle reir, de ver el mundo, con esa inteligencia y brillantez que él tanto admiraba.
Pero también sabía que los círculos se cierran y que aquel día que hicieron el amor desesperádamente en el coche después de días sin hablarse su ciclo se cerró. Estaba cansado, saturado, falto de fuerzas. Y es que sobrevivir a lo insalvable puede llegar a ser agotador, y sobre todo, frustrante.
Odiaba no entender qué falló, qué desencadenante o desencadenantes hicieron que aquel amor, jurado eterno para siempre, se evaporara con los últimos gemidos en su coche. Odiaba no poder hacer borrón y cuenta nueva, no poder soltar todo el lastre, todos los pequeños odios, todos los falsos perdones, toda esa rutina acumulada. Odiaba que le pudiran las circunstancias, que terceras personas malmetieran, que él y ella no fueran lo primero para el otro. Y odiaba ver cómo caía piso tras piso del rascacielos sin poder agarrarse a nungún borde para salvarse ... Pero lo que más odiaba por encima de todo era esa creciente sensación de alivio que le comenzaba a dar alas mientras caía, como si el dolor que sentía fuera falso, como si la amargura que le perseguía fuera aprendida y como si tras la capa que llamamos Sentimientos tuviera otra más profunda donde la razón juega a las contradicciones demostrando lo más inherente de la condicion humana: que no sabemos nada.
Así fueron pasaron los días, el invierno se hizo más invierno, la lluvia se convirtió granizo, incluso algún día en nieve, cosa rara para aquellas latitudes. Y es que, a veces, parece que el tiempo nos refleja como si nos conociera mejor que nosotros mismos.
Se aferró a la cotidianidad para salvarse, para evitarla. Salió, se emborrachó, emprendió mil planes. Pero cuando desviaba la mirada, ella seguía allí; aunque todavía no sabe si para recordarle lo que pudo ser o lo que debe evitar en un futuro.
http://www.youtube.com/watch?v=8t40WR1OgMk
The Silence
Esti domingu tuvi la suerte deprender una de les meyores lleiciones d'estratexia, brenga, colocación, remate y taútica qu'enxamás naidie recibiera. Y pa encima foi de baldre. Taba sentáu nun chigre tomando una botellina sidre, dacuando apurriéronseme 3 paisanos (qué paisanos, 3 espertos) y punsiéronse agüeyar la televisión. Nesi momentu, salía Fernando Alonso nel so Fórmula 1 y ún d'ellos asoleyó tola so sabencia y espliconos porque Alonso esti añu taba mal. "Alonso ye fatu, nun tien nin puta idega d'adelantar nes curves, míralu ho, ye que nun sabe nin salir bien de boxes, y ya nun te falo los mecánicos - dicía demientres los otros 2 asentién güeyándolu ablucaos- mira como van los reglaxes, si ye que nun tien ni puta idega, pa enrriba escoyió mal los neumáticos y enllenose combustible, asina nun gana na vida. Paquete!". Dende esi momentu, sé cómo tien que llevar Fernando Alonso los reglaxes, el combustible y los neumáticos, pero ehí nun fina too. Finó la carrera d'Alonso, que quedó quintu, y entamó'l Master de Tenis onde xugaba Rafa Nadal. El paisanu dexo-y esplayase al otru collaciu demientres él pidía otra botellina Viuda d'Anxelón y soltaba un "ta de restallu". "Cagunmimantu el guaje esti -dicía'l segundu espertu dempués del segundu fallu consecutivu de Nadal-, dende que ye'l Número Ún del Mundiu y dieron-y los Premios Principiegos nun da una. Ta amariconáu, ¿nun ves que nun corre? Ye que cueye mal la raqueta, amás que da la bola percortada y asina ye imposible. ¿Visti? Si ye que xuega siempres no fonderu la pista, y malapenes xubi a la rede. Ya verás cómo pierde'l partíu". Demientres pasaben los xuegos y los sets, el paisanu encaloriábase más y más, "foder col putu guaje, ¿que ye que nun ves qu'el rusu esti ye espertu en garrales toes no fonderu la rede? lamadrequelupario, será sunormal, ná, dende que ta forráu ya nin corre". Dacuando fino'l partíu, Rafa Nadal apuntose otra victoria pero l'espertu dicía que yera potra y qu'asina nun diba ganar más. Eso yera lo de menos, yo con él ya aprendiera a sacar, a garrar bien la raqueta, a liftar, a xubir a la rede, a botiar la pelota y fasta sacame'l calzonciellu del culu. Y quedaba lo caberu, el fútbol. Y ehi entamó'l terceru, qu'asemeyaba más calladín, pero bien que desgañitose en cuantes pusieron los resúmenes de la xornada fútbol. "Esto ya nun ye lo que yera, enantes sí que xugaben a fútbol y non como agora, con esos pelos, esos tatuaxes y eses mariconaes. Mira Guti, si paez una nenaza, nin corre, ni sabe dar un bon pase, nin va bien cola tiesta. Falten-yos coyones pa entrar duru como enantes, y non como agora que tan más pendientes de nun manchase que de xugar". Dempués de más de dos hores y media y clases teóriques, los tres espertos pidieron la cuenta y colaron del bar dempués de metese media caxa sidre en cuerpu. Despidiéronse y afuxeron arguyosos d'asoleyar so sabencia nel chigre. Yo, engañiteme pa empapame de too, agora ya sé que tengo que llevar el depósitu a medio enllenar, que les gomes bones son les blandes, que dacuando xuegue al tenis teo que da un reves llistáu sigún el vientu poniente, que teo que dosificame dacuando xuegue un partíu y que teo qu'amortisnar el balon col interior del pie. Solo quedame ponelo'n praútica.
3 espertos nun chigre
Naguo por ti. Por esi rellumu que dexes al to pasu.
Naguo pol to cuerpu, por esa pequeña perfección fecha por mor d'imperfecciones.
Naguo pol golor que dexes na cama cuando marches, anque nun quiero nin que dexes la cama nin que marches.
Naguo polos tos pechos, fonte de vida, fonte de la mio vida.
Naguo pol tastu amañosu del to pilu, d'esa andecha filos que s'afiten perfeutamente a la to fegura.
Naguo por esos papos, que nun son papos, son "moflitinis".
Naguo pol to nial, la so humedá, el so golor, el so sabor. Naguo pol so nidio tientu.
Naguo pol to plumar enrebuyáu, pol so respingamientu dacuando la mio boca s'enguedeya n'ellos.
Naguo por como too'l cuerpo s'estremez y trema cola mio presencia.
Naguo pol arcu que fae to cuerpu p'averase'l mio abellugu y fundise nun mesmu ser.
Naguo
A ti, toi falándote a ti,
la que nun m'atolena.
A ti que con tolo que te sobra
allumaríasme pa prender tolos díes.
A ti que xuegues a ganame
cuandu sabes que perdilo too.
A ti, toi falándote a ti,
anque sé que nun atolenes lo que te falo.
A ti, toi falándote a ti,
anque ye palanciar
porque pasote perlloñe
la llorina y la señaldá.
Si enxamás dixi la verdá
ye porque la verdá yera una mentira.
A ti fálote, que t'acallientes
cubriendote con Chanel mios besos.
A ti, toi falándote a ti,
tan sorda y emburiellada.
A ti que durmis con arguyu
y te dexes cariciar cola to rencura barata.
A ti, que te presta dir de mártir
culpando a los demás de bilordios tuyos
A ti, que dexástime solu
anque tuvieres na mio xunteta.
A ti, que ya nun te queda nada
y a mí, que namáis que me queda
esti síndrome incurable de querete tanto.
A ti, que ya nun te queda nada.
NADA
A ti
