Allégate equi, afuxiremos n'andecha. ¿Pa onde? ¿que ye qu'ainda nun me pescanciasti? Entainaremos, caleyaremos, pasiaremos, abellugarémonos, amosarémonos, ablucaremos cola guapura'l paisaxe. Atendaremos les nueches nos praos, altravesaremos la viesca xuntinos, arrequexaos a la busca'l Busgosu, cruciaremos los regatos de les manes, escalecerémonos nes fogueres, compartiremos la gayola, engorropellarete demientres suañes,espertarete col besu n'alborada, enfrescarete la cara cola rosada, gociaremos cola compaña, xunxurirémonos cola murnia, esmorecerémonos cola señaldá.
Y dacuando l'orpín esclarie, dacuando'l bermeyón allume la xera, dacuando'l xiblíu'l raitán t'afaye'l camín, toparás a la fin, metanes la carbayeda, l'arbol de la vida, l'arbol de tu vida, l'arbol de mio vida, l'arbol de nuesa vida. Caletriarás el xeitu la to vida, garrarás el punxu pa deprender a la reciella, pa deprender de la reciella. Y a la fin, toparás el Santu Grial.
Santu Grial
|
Naidie agueyonos engarriaos de les manes demientres la nueche azul amiyaba nel mundiu. A vegaes, como un monea, prendíase un cachu sol pente les mios manes y yera a recordate col alma prieta d'esa señaldá que tú nun yes a pescanciar. Y entos, ¿onde tabes?, ¿pente qué xentes?, ¿falando qué pallabres
Naidie
