Un poder asina como'l miu algamase per medios que frayen al más escolforiáu, y pocos mortales pescancien la enorme disciplina que se caltien en toles estayes dela xera. Porque ye una xera ... na que caleyamos d'una fuercia a otra, añadiendo habileza a habileza, eminencia a eminencia, demientres caleyamos pel caminín enrevexáu fasta'l algamar la total maestría ...
... La Primer Eminencia ye la dominación del silenciu, de la callada, onde l'alumno tien d'abandonar too'l contautu pa colos otros. Nun consentiremos que pensamientos o pallabres esternes nos apolmonen o aturullen; nun podemos oreyar nenguna otra voz.
L'alumnu tien d'abandonar too'l contautu con otres mientes, asina algamamos la Segunda Eminencia, onde l'adepto tien l'habilidá de proyeutar pensamientos ya imáxenes a otros seres, asina xorrecen y manipólianse atmórferes emocionales. Cola maestría topamos el control sobre la vida animal y l'habileza de facer lo que nos pete cola so voluntá ...
... La Tercer Eminencia fae que l'alumnu proyeute cualesquier imaxen perdayuri según-y pete; pue tar en dos llugares, tres llugares, a la vez y embaxu formes distintes. Na Cuarta Eminencia, l'alumnu algama'l coñocimientu de la esencia de les plantes y vexetales, la fondera conocencia dela ñatura y l'usu dela vida vexetal en pócimes y ellixires.
L'algame de la Quinta Esencia da'l dominiu pente los movimientos del aire y l'agua, el control del fueu; tamién podemos manipoliar y controlar el clima en dalgunes rexones ...
... La Sexta Eminencia conduz a la capacidá p'alquirir la forma etérea, de desfacer la forma física: dasapaecer de sutrucu y deparar n'otru llau, enteru y formáu.
N'algamar la Sétima, y cabera, Eminencia, l'adepto anicia l'habileza pa torgar la vieyura d'un ser humanu, o invertilo si ye necesariu. Ensin la séptima eminencia tolo algamáu fasta equi ye'n balde ...
|
|
Publicar un comentario