Esperté poquiñín a poquiñín. La lluz de l'alborada entamaba surdir. Agüeyé al rodiu y vi mio apartamentu como tanto me prestaba: la nuesa ropa espardía pel suelu, su pequeñu tanga al pie de la cama, delles cerveces vacíes na mesa; na papelera, tres preservativos usaos, ca ún con un ñudo, anque sobraba nel caberu porque ya diba ensin fueye.
Ella esnuda'l mio llau. Lluz de mis díes, calor de mios nueches, melgueru metru setenta de rubia sedosa. Tenía dalgún pilu rubio nel so plumar. Yo la quería, y ella a mí tamién. Tábemos perxuníos. Dempués de casi un añu xuntos sabía too de mí, fasta lo más fonderu lo fondero, los mios más íntimos deseyos. Y al revés: yo nun tenía ni puta idega de perónde iba salir ella nel siguiente minutu.
Al entamu, esforceme abondo n'entendela, buscala nes estayes, algamala, atopala. A los tres meses, decidime por retos más fáciles como escucar el caberu decimal de PI.
Diba ser un domingu de puta madre. Teníemos too'l día perdelantre pa nós, y taba relaxáu a esgaya. La nueche foi llarga, íntima, sudada, una d'eses nueches de branu onde, dempués de munchu amor, munchu sexu y muncha cerveza, l'universu asemeyaba una marea constante dalguna substancia afayaiza onde pudieres ñadar tola eternidá.
Llevanteme la cama con selleyu pa nun espertala y entainé pal cuartu bañu. Agüeyeme nel espeyu, aceñeme'l güeyu diciendome: "grandón, tas fechu un xatón" y darréu, mio ego y yo intentamos metenos na ducha, como mi ego nun cabía, metime yo solu.
Dacuando finé de duchame, oyila:
- ¿¡Amor!?
So voz yera como un conciertu d'arpes nel cielu.
- ¡Dime, preciosa! -dixei.
- Pamique adelantóseme'l periodo.
La fodimos. Artillería, guardien les arpes, saquen los morteros, toos a les trincheres. Pasamos de "prestosu domingu" a DEFCON2. Nuesa relación ta embaxu amenaza nuclear.
Mio simple y dicotómicu celebru de programaor, que sólo pescanciaba los estaos de sí o non, taba a puntu d'enfrentase con un complexu sistema cuánticu que soportaba los estaos sí, non, nun sé, nun t'enteres, tú nun lo entiendes, tarrézote y nun quiero agüeyate más na mio vida, o cualesquier combinación d'ellos. Amás, entainaba'l Principiu d'Incertidumbre: l'intentu de medición influye no que se quier midir. O seya, que como entrugues, ye pior.
Salí de la ducha, poro mio ego ya nun taba elli, taba encuyíu, acoyonáu. Animeme, ná, tampoco ye pa tanto, vamos ver cómo salimos d'esta. Afeiteme, vestime y golví pa la cama. Ella siguía elli tumbada.
- ¿Cómu tas? ¿quies daqué de la farmacia? -entruguéi.
- Non, téngolo too nel bolsu. Toi regular ... - taba amurniada.
- Val, preciosa. Nun teas esmolecida. Vamos facer una cosa. Reláxate, descansa, ponte música, la tele, llee, o lo que te pete y yo faigo pa xintar lo que t'apetezca. ¿sí?
- ¡¡Préstame'l pitu al curry!!
Una sorrisa asoleyó so preciosa carina. La cosa diba perbien. Un par de díes mordigañando la llingua y siendo especialmente atentu y gasayosu y too tornaría a la normalidá ...
Metime na cocina a facer el menú. A concencia, cuidando que too tuviere como a ella-y prestaba. Les cebolles frites con mantega y vinu blancu, el pitu con poco sal, curry del picante, nuez moscada, y bien dorau. A la salsa eche-y un poquiñín de mozzarella con una pizquina miel, paselo too pel microondes y darréu pela batiora. De primeru, una ensalada con aliñu francés. Ya quisiera Arguiñano.
Hora y media faciéndolo. Salí de la cocina con un llargueru tan bien presentao, que fodíame xintalu dafechu. De xuru qu'enrriba'l DVD quedaba de puta madre. Sentíame culpable, yera como pintar la Mona Lisa y merendásela darréu.
Punse música, chill out, sentámonos renanchaos nel sofá delantré la mesa perfecha puesta. Garré una cerverza, y como escaecióseme l'abrior, abrila escontra'l filu la mesa. Caguela con too'l equipu.
- ¿Pues intentar nun golver facer eso delantré la mio presencia? ¡Ye lo pior! - soltome en plan borde.
- ¿Lo pior por qué, mio vida? - dixei amorosu.
- ¡¡Porque daquién punso-y brenga y amor a esta mesa, y tú nun lo tas respetando!! - agueyábame como si finara escupir la semeya la boda sos pas, o dalgo asina.
- Amor, la mesa paguela yo; ye mia, y pa encima, venía desmontada y paseme 1 hora apretando torniellos.
- ¿Pero daquién fabricaríala, non?
- Pues pamique fízola una máquina. Porque polos cuarenta euros que costó, nun creo que contrataren al pa de Pinocho pa facela - sí, ye verdá, lo sé, taba meyor calláu y afogáu no fonderu'l mar.
- ¡¡Graciosu!! - entamaba a enfurruñase.
- No, amor ..., perdona - la verdá ye que yera graciosu imaxiname'l vieyu Gepetto too amañosu curtando maera pa facer una mierda mesa de contrachapao.
- Bono, pero nun lo faigas más, ¿VAL?
- Que sí, intentarelo ...
Manda güevos que ún nun pueda facer con so propia mesa lo que-y pete.Val qu'ella tuviere maltomada, pero la mesa yera mía. El sillón tamien, y teníame arrinconáu na esquina. Xintar taba resultando perdifícil ...
- Cosina, ¿pues dexame un poquiñín más d'espacio? - sorríi y chisgue-y un güeyu.
- ¿Qué ye que t'aturullu?
- Noooo, ye qu'entramos los dos perfeutamente.
- Ya te val. ¡¡¡Tas echándome!!!
Mimanto. Qué difícil yera.
- Nun soi a echate. ¿Podemos xintar el pitu tranquilamente que ta enfriándose?
- ¡¡Pues nun sé pa qué tanto cocinar, SI DARRÉU VAS ECHAME!!
- Pero vamos ver ... Char ye una cosa, apartar un poquiñín ye otra. Dime la definición de "char", y dempués dime si yo echete. Sí, non, verdaderu, falsu.
- ¡¡Tú y tu puta zuna de velo too blancu o negru!! ¡¡Nun t'alotenes!! ¡¡¡TAMIÉN HAI DELLOS GRISES!!!
L'asuntu taba complicándose.
- Cariño, sé perbien qu'hai dellos grises. Pero yo decido qué agüeyo blancu, qué agüeyu gris y qué agüeyu negro, y nesti casu ...
- ¡Esi ye'l to problema! ¡Siempre ye lo qu'a ti te dea la gana! ¡Nun sabes ponete nel papel de los demás! ¡Egoísta!
Dalgo templao taba enrraigonándose nel mio estómadu y entamaba xubir fasta'l gargüelu.
- Mira, guapina, si nun me pusiere güei nel to llugar, iba pasase 2 hores cocinando'l pitu RITA LA CANTAORA, ¿entiendes? ¡¡¡Foder!!!, val que teas cola regla, pero ¿¿nun barruntes que toi esforzándome abondo y que llevantástite bravía ensin yo tener la culpa?? ¿¿Ties que proyeutámelo a mi too??
- ¡¡Nun t'atrevas analizame como ún de tus programes!!
- Los mios programas polo menos furrulen ...
Gran cagada, hermanos. ES-CA-PÓ-SE-ME. Quería dicir que son predecibles, qu'ún sabe a qué garrase, pero yá yera tardi.
- Ah, o seya, ¿¿que yo nun furrulu?? Toi alloriada, ¿non? Pues sabes lo que te digo, ¡¡que vas llibrate de la lloca!! ¡¡COLO!!
Ya sabía yo que la rellación taba en pelligru. Nun yera la primer vegada.
- Cosina, llevamos once meses n'andecha y ya lo dexasti once vegaes. ¿Eso nun te diz daqué?
- Sí, ¡¡que nun te soporto!!
Cansé d'aguantala y facer el sunormal. Toos tenemos un llímite.
- Pues mira, esto nun va de soportase, va de querese. Ya sabes onde ta la puerta. Yo nun t'eché del sillón. Fae lo que te dea la gana.
- ¡¡Pues marcho!! ¡¡Finose pa siempre!! ¡¡Ya nun vas tener que CHAME más!!
- Cariño,que yo nun ...
Yo nun la echara. Otra vegada esa mierda sentimientu. Una verdá clara y simple embaxu tonelaes de cuchu. Nun pescanciaba la zuna la xente enterrar la verdá embaxu cuchu. El mundu esnudu yera perguapu, ¿pa qué cubrilo puxarra? Quiciábes pa ellos nun yera tan guapu y cola mierda la xente tapábalo. Lo malo yera qu'esa puxarra cayía dafechu sobre mio mundiu. Y yo nun la quería ehí, fediéndolo too. Llevaba media vida llimpiando mio propia basoria y agora a too'l mundiu dábai por echame la suya.
Parecía qu'iba en serio. Llevantose y púnsose los vaqueros. Taba intentando ponese'l xersey. Ainda taba escalza. Adoraba güeyala escalza, yera fermosu. Yera como si tola so belleza nun cupiera al tar vestía y tuviera que salise per dalgún llau, polos pies.
Nun llevaba que se separtara de mí, pero ya tuviera suficiente. Tampoco yera plan de tar too'l día sometiu a los demás. Nun diba agora arrastrame pol barru, sería como almitir que la culpa yera mía, que yo la echara, que lo blancu yera negru.
- ¡¡¡Nun vas tornar agüeyame más na to vida, NIÑATO!!! - cuando-y daba pol bersek mode ya nun había na qué facer.
- Sabes que fódeme abondo que xuegues cola nuesa relación. Pa mí ye sagrao. Si crucies la puerta, ésta ye la definitiva. - dixe-y embravonáu.
Fulminome cola güeyada, garró'l so bolsu y esapaeció pol pasiellu. Esta vegada yera la definitiva. Oyí sos pasos. Rápidos, curtios, bregaos. Bonu, tampoco yera pa tanto. Sobreviviría. Ya iba pa un añu soportando estes hestories. Ella tenía un calter repunante, muncho odiu acumulao, inseguridaes que siempres proyeutaba'n mí. Coló dando un portazu. Ya taba. A la mierda, nun m'importaba.
Dacuando coló l'ecu'l portazu y mio apartamiento tornó a la callada, remembré darréu lo murniu que yera'l mundiu ensin ella. Asina, de sutrucu. Yera como si un monstruo grandón s'abalanzara enrriba mí y me reventara los güevos.
Sonó'l porteru lletrónicu frañendo'l silenciu. Val, igual ye que reflesionó y ta dando marcha p'atrás. Corrí a contestar.
- ¿¿¿Sí???
- ¡¡NUN QUIERO TORNAR GÜEYATE ENXAMÁS!!
Colgué. El monstruo siguía dándome nos güevos. Tenía que relaxame, facer daqué, asina que torné al salón, quité el putu CD de chill out y enchufe'l Ace of Spaces de Motörhead. Toqué la guitarra al aire, glayé, cancié, y dacuando entamó'l solu de Phil Campbell, garré la bandexa'l putu pitu al curry y reventela escontra'l suelu.
Ya taba. Tornaba ser solteru, por nun querer almitir daqué que nun yera verdá. Esti llunes voi dicii al cabrón del mi Team Leader que ye un fatu, un castrón y un babayu; y qu'el workspace pol que la empresa pago-y 3 salarios cuya suma daría pa xintar a una familia numberosa durante años ye una puta mierda; y a la cai. Si sigo col dos y dos son cuatru, finaré solu embaxu un ponte xintando mio propia mierda. Anque igual yá yera lo que taba faciendo.
Ye la maldición del Sentiu Común. Ún ve un cuadrao y diz: "coño, un cuadrao". Pero resulta que les zunes sociales, lo políticamente correutu, los sistemes educativos, les carreres profesionales, en definitiva, tola humanidá paez tar edificao sobre los pilacos qu'aquello ye un círculu, y te lo ties que llevar, rodando, calladín, seliquín y ensin reburdiar, con iniciativa y motivación propio. Y como te dea por dicir qu'aquello ye un cuadrao, miles d'años de moral caen enrriba ti cola fuercia'l big bang. Yes un radikal egoísta soberbio anarquista conflictivu que cree güeyar un cuadrao por mor d'inmadurez, cobardía, odiu a la humanidá, enveya y resentimientu.
Realmente ye complicao. Ún solo pretende siguir so camín, pero paez que siempres torga'l dalguien. ¿Por qué? Quiciabes munches de les xeres de los demás tean construyíes sobre la llibertá d'ún. Nota: mañana voi al psiquiatra. Entamo pensar en grandes conspiraciones.
Y ye que la llóxica ya m'ocasionara dellos problemes. Como tinía tiempo abondo pa un flash-back, quedeme güeyando la parea con espresión señaldosa fasta que too tornó'n blancu y acuosu.
Tenía ochu años. Taba nel colexu, una tardi, en clas. Llovía tras los cristales. Sacaba bones notes,yera'l meyor de la clas. La profesora falaba los minerales. Almirábala, yera tan alta, tan llista. Siempres tenía rempuesta pa too. Y yo tenía entrugues asgaya.
Dalgún guah.e entrugó:
- Profe, ¿de onde vien la lluvia?
Sabíalo, qu'agueyáralo na tele. Llevanté la manu, pero ella dixo:
- La lluvia faela dios.
Yo nun lo entendía. Quedé estrañáu porque los profesores nun podían equivocase, asina que-y dixi:
- Pues yo vi pela tele que l'agua del mar evapórase y asina formanse les ñubes. Darréu, llevales el vientu, s'enfríen y faense otra vegada agua, que ye la lluvia.
En verdá que foi cola meyor les mios intenciones. Yo sólo quería resolver el misteriu, aquella illóxica contraición. El conceutu de dios de siempre se m'escapara.
- ¿Eso ye verdá, profesora? - entrugó otru guah.e.
Ella sorrió d'un xeitu enforma estrañu que yo nun atolené.
- Sí y non - retrucó.
Too'l mi pensamientu basábase'n que'l Sí y el Non yeren incompatibles. Dacuando finó la clas, entregome una carta pa mios pas. Dalgo s'avecinaba y yo nun sabía qué yera.
Mios pas lleeron la carta: la profesora quería falar con ellos de mio comportamientu. "El so fio ataya les clases y nun muestra respetu". Mio pa entrugome qué pasara y yo-y lo espliqué. Garró un cabreo de coyones. Cola profesora, non conmigo.
Al otru día presentáronse nel colexu dempués de les clases. Fueron al despachu la profesora y esixieron que yo tuviere delantre. Dempués de les formalidaes de siempres, mio pa dixo-y a la profesora:
- Señora, faiga el favor d'esplica-y al mio fiu de onde vien la lluvia.
- Él ya lo sabe perfeutamente - la mesma estraña sorrisa que parecía culpame dalgo.
- Pues si tien razón, ya me dirá entós qué problema tien con él.
- Ye que yo soi la profesora y yo doi les clases ...
El primer de los mis munchos conflictos cola autoridá.
- Mire, esto ye un estao laico. Usté ye perllibre de creyer lo que-y pete el domingu'n misa. Pero de llunes a vienres de-y al mio fiu la clas de ciencia, que ye'l so trabayu.
- Ye que les continues interrupciones del so fiu torpecen mio trabayu.
Aquello yera perinxustu. Yo nun fixera na. Y de sutrucu, atolené so sorrisa: ella sabía daveres que nun llevaba razón, y trataba d'ocultalo. Yera una sorrisa d'autodisculpa. Elli, a tan tienra edá, prometime desconfiar de cualesquier qu'espusiera sos verdaes con esa sorrisa d'imbecibilidá autocomplaciente.
En verdá ye que desconfio de casi too'l mundiu.
En fin, tendría qu'adaptame a mio nueva vida de solteru. Pa entamar, mio vida sexual tornaría ser en dos dimensiones, y mio vida sentimental encurtiaríase sacar a mexar al mio perru.
El vibraor del móvil reburdió dos vegaes. Tenía un SMS. Yera d'ella. "TA NUNCA, NIÑATO". Nun sé xustamente por qué, pero aquello caltriome. En verdá, aquell sólo quedía dicir: "toi equí". Ella coló, pero yo sintíame como si la abandonara a so suerte, tan rubia, tan desabeyada.
Güeye'l móvil, al pitu espardio pel suelu y darréu al móvil. Siguí asina un bon cachu demientres repetíame: píldora bermeya, píldora azul, píldora bermeya, píldora azul, píldora bermeya, píldora azul ...
Llamela. Si miles de yanquis s'arrastraren en barru en Vietnan por una mierda causa, yo podía facelo un poco per ella. Garró'l teléfonu:
- Qué ... - taba llorando.
- Cariño, perdóname por echate del sillón. ¿Podrás perdoname? - tonelaes de mugor. Diba tener que duchame otra vegada.
- Ohhh ... ¡nun sé! - reíase galoyera y lloraba a la vegada.
Nun m'entruguéis cómo yera a facelo. Sólo sabía facelo ella asina. Rír y llorar daquella xera. Yeren como un Sí y un Non n'andecha. Absurdu, imposible. Pero prestosu.
Parez qu'esi diba ser tratu. Yo quedábame col "dos y dos son cuatro por coyones" y ella col so mundiu de color onde les meses barates de contrachapao yeren monumentos al amor pente los pueblos. Pa mí yera una babayada, pero d'esi mundiu ella sacaba daqué que compartía conmigo y facíame la vida más atopadiza. Yo emplegaría mi sentíu común y mio mala hostia pa que naidie-y fodiera la so inocencia. Esa inocencia que yo perdiera cuantayá, dacuando solmenáronme la primer ración d'hosties.
Nun sabía cómo sería nel futuru, pero anguaño nun yera mal tratu. De vegada en vegada tendría que reventar dalguna bandexa, menos mal que los Motörhead sacaren discos a esgaya.
- Anda, perdóname, guapa. Torna pa mio ca.
- ¡Bono ...! Si te portes bien ...
Esa sí yera a entendela. Sinificaba rascase la cartera.
Asina que reservo mesa nun restaurante caru ya románticu. Charramos, agüeyámonos y rímonos a la lluz de les veles, y la vida torna ser maraviosa.
Fasta la prósima que "toque pitu"...
Eight Degrees Of Inner Turbulence
