Shhhhhh!!!
Calla, zarra los güeyinos melguerosos. Güei, equí, agora, nesti momentu.
Recostinate nel mio pechu, siente'l mio golor. Escuches el mio corazón? Avézate al so baltiar, faelo por ti, faelo pa ti.
Escaez too, nun t'esmolezcas. Teo dos brazos fortes como muries, tienros como'l pan ceo.
Escucha'l silenciu. Güelelo, tástialo, amasúñalo. Faelo tuyo. Siéntelo.
Nun t'enfotes, dai tira, ten paciencia. Demientres yo t'abellugo.
Ya tamos los dos solinos, nesta callada, nesta escuridá.
Tú y yo. Sumando un solo ser. 1+1=1.
Nóteslo agora? Nesti requexu fálanos el silenciu, siente l'escuchu,el so aliendu.
Abre agora los güeyinos sele. Ves la llugata? Ehí vamos.

Shhhhhh!!!