- Bones nueches. Enantes de ná, quiero davos les gracies fonderes pola vuesa asistencia. Entainemos nesti momentu un brindis pola comunidá A1 ...
Na empresa tolos empleaos taben dixebraos n'estayes. A esti pasu de xuru que van acabar calcándonos una pegadiella na frente con un númberu pa reconocenos. A vegaes arrepentíame de lleer 1984.
El direutor siguió col so discursu, que zarró n'orgasmu:
- Y pa finar, quisiera davos la norabona por vuesa personalidá y esfuerciu. Al pieslle d'esti añu fiscal, la comunidá A1 facturó ¡un 32% más qu'el caberu añu!
Aplausos, puxes, rises, xíblios. Yo nun m'atolenaba. Yera como si esi 32% foran a repartírnoslu n'efeutivu al día siguiente. Toos cobrábemos la mesma mierda, pero dalgún superior falaba daqué con una norabona y un tanto por cientu y toos entamaben a segregar endorfines. A mí esi conceutu de felicidá nun m'entraba na tiesta. La recompensa al esfuerciu yera una palmadina nel llombu y una hipoteca con despachu pa llevase trabayu a casa. Escuru xoril. Nun pescanciaba cómo yeren a soportalu.
|
|
Cuantísima razón tienes! Pero ahora mismo no queda de otra que aguantarse y conformarse con lo mínimo que te puedan dar. Poco a poco, luchando como estamos luchando, las cosas mejorarán (espero). Sigue así, me encanta leerte :)