Entamamos el día siempres con un regalu, decíame mio güelu cuando oyíame reburdiar cualesquier tolada de guaxe repunante, y ye poder abrir los güeyos y seguir aliendando. Él nun lo sabía anque quiciabes acolumbrábalu: dexaría-y d'amiyar esi regalu un día enantes que yo cumpliera los 18. Desdende nun festeyo'l mio cumpleaños pero sí tolos nuevos espertares. Nun quiero poneme resabiáu nin redichu en plan fueya de calendariu, namái ye una certía cola que convivo: si la muerte de los seres prestosos tien dalgún sentíu, ye por mor de garrar dalgun enseñu pa los vivos pa nun ser daveres amorgaos mentales. Toles mañanes, y más aquelles qu'amiyen dempués de nueches foínes, abro los güeyos y envede llambeme les firíes amormielláes o sacudime les pulgueres que dexaron los malnacíos que s'arrascaron xunto a mí, empobínome pa dibuxar una sorrisa nos llabios pa d'esa mena comunicame con mio güelu pa que so ausencia tea valor, y yo espoyete con ella. Nun creyo'n relixiones y mios rezos nun van pa dioses, son pa creyer más en mí mesmu. Asina que nun teo ni idega si hai un más allá onde mio güelu tea la paz que nun tuvo na vida real, inoro si escucha cuando-y falen y desconozo si mio sorrisa trespasa esta dimensión tan abegosa p'algamar otra onde dexemos de ser barriques caduques d'amestos quimicos. Pero sé, porque deprendilo como s'aprenden les coses dafechamente importantes, qu'entamar el día col rixu y reconocimientu de quien recibe un regalu a cambéu de nada ye ún de los vezos más prestosos, importantes, nobles y allumosos que puedo facer. Dalguna mena, nazo tolos díes y remembro -anque dempués el día s'encamente n'estropialu y argayalu- la vulnerabilidá ya inocencia d'un guaxe qu'abre los güeyos como platos al resgar el papel de regalu.
|
|
INCREÍBLE. Ni si quiera tengo palabras, no sabes cómo me has emocionado! Yo perdí a mi abuelo hace año y medio y esto me ha llegado muy hondo, porque es muy duro perder a alguien que te importa. Me encanta sobretodo lo de rezar pero no a ningún Dios, tienes toda la razón, yo no soy creyente pero me encanta pensar que mi abuelo está en algún lugar de ese sitio que llamamos cielo mirándome y cuidándome y viendo cómo me hago mayor. Me encanta, en serio.