Tú queries follar con dalguien que nun fora to maríu. Yo tinía fame de tópicos. Tú teníes dos enormes tópicos embaxo'l sostén d'encaxe azul: yo enxamás taría casáu con dalguién como tú. 

Besete na parte d'atrás del mi coche como quien besa un guiñol, con mios manes remanándote dende abaxu. 

- Nun serás un psicópata d'esos, ¿non? - entrugástime con un condón pente los dientes.

- Nun falo de mio vida privada demientres fozo con foriates - dixe-y quitando-ylu de so boca. 

Tres cremayeres y siete botones dempués entamamos a movenos a un son dixebriegu y bregáu, improvisando ximíos, empañando col aliendu los cristales del mio coche. Abrí los güeyos pa comprobar que los tuyos taben pesllaos. Y plegué les güeyeres pa nun querer saber to nome. Corrímonos a la vegada, como por Wi-Fi, anque cada cual ficiéralo a millones de kilómetros del otru. 

Darréu baxástite del mio coche y enantes de zarrar la puerte soltástime:

- Nun fai falta que m'averes a mio casa. Ya llamo un taxi.

- Tú yes fata - espetei parando'l taxímetro en 21,35€