Teo un domingu en stand by, por si dalgún llunes tas gacha,
y na faltriquera un frascu col to golor,
teo entraes na primer filera p'agüeyate espertar n'alborada
teo l'encamientu que si tas, m'afito,
y la rocea que nin pescancies cuánto me prestes.
Teo to semeya na mio pupila.
teo una dosis de perdón, por si faes daqué que me manque,
y un canciu de más por si dalgún día señáldesla.
Teo un stock de besos d'estrena
y un camión d'amor enlleno pa ti.
Teo rises, teo lloríos, teo un termostatu,
que se prende cuandu tas,
y que s'apagua si te vas,
pa nun morrer de señaldá.
|
|
|
Publicar un comentario