- Tomás. ¿Qué pasa colos despidos?- dixo ensin llevantar lo más mínimo el tonu de voz.
- (…)
- Nun quiero escuses, Tomás. Trenta de la planta. Despide a trenta de la planta. Tieslo fácil, vénce-yos el contratu esti mes a cuarenta y siete. Despide a trenta d'esos, los que más rabia te dean, antes d'agostu. Ya l'encargáu esi… ¿cómo se llama?
- (…)
- Germán, eso ye, despide tamién a Germán. Cola nueva reforma llaboral va salinos más baratu que nel últimu retayu. Tienen que cuadrar les cuentes como sía, ¿entiendes?
- (…)
- Nun hai escuses. Si nun yes capaz d'echalos tú, voi tener qu'echate tamién a ti. Business, Tomás. O tas dientro o tas fora.
Y colgó ensin despidise siquier. Depués afloxó la corbata, miróse les uñes y d'últimes llanzó una sorrisa que me dexó xeláu. Yera una d'eses sorrises de trunfador, de líder, de “yo mando y tais toos baxu control”. Ensin dulda tenía la situación controlada: el futuru de treinta families, nin más nin menos. La so vida entera y la de munchos a la so entera disposición. El Dios del so microcosmos.
Tou impecable a la so manera de ver: El so aspeutu físicu, los sos modales, el so preciosu xalé con piscina, el so marxe de beneficios y la so falta d'escrúpulos. Un perfectu psicópata, y amás socialmente aceptáu. Y lo pior: almiráu por munchos.
|
|
Respigueme al leete porque ye daqué que ta pasando toos les díes, tratennos como numeros y non suponen que cada un despidu ye una traxedia.
Ya te digo, ye inventao, pero talamente ta sacáu de la vida diaria.
Gracies pol comentariu.
Un besín.
I have read so many articles concerning the blogger lovers but this piece of writing is genuinely a fastidious article,
keep it up.
Here is my web site ... buy instagram followers